--------------------------------------------------------------------------------
أتمنى انها تعجبكم.......
أغنية (((( أسافر عنك ))))
أسافر عنك وتسافر معايا..
ترافقني في حلي.. و ارتحالي..
أغيب واترك العالم وراي ..
ولا احمل غير طيفك في خيالي ...
وجوه الناس في الغربة مرايا ...
تصور صورتك دايم في بالي...
وأنسى غربتي وأنسى عنايا...
وأحس انك معي ما هو بحالي ...
مثل مالك في هالدنيا سوايا...
أنا مالي سواك إنسان غالي ...
لانك أول وآخر منايا وأول حب لي وآخر وتالي ...
حبيبي عدت لك شايل وفايا..
وشوقي ..
وفرحتي ..
ولهفة سؤالي ..
هل انت اشتقت لي ..؟؟
وشاقك هوايا؟؟ ..كثر شوقي لك بذيك الليالي ...
*********************
أغنية ((((القرار الأخير))))
القرار الأخير .. القرار الأخير
وين الحقيقة في هالزمان آه الكل ماشي في طريقه في دنيا ما فيها آمان
ما ادري اختلفنا ما ادري الزمان فينا اختلف
لو ما اعترفنا منه فينا بيعترف صرنا غير وغير الحقيقة مالها وجه وملامح
لا تصالح لا تسامح الحقيقة عن عيون الناس غابت
لا رحمة في قلوب البشر والكل عايش في حذر الثقة ضاعت في أحضان السراب
والسؤال ماله في هالدنيا جواب
**********************
أغنية (((( الماضي ودعته))))
خلاص الماضي ودعته محيت ذكراه من قلبي
أنا من باعني بعته ولا دربه يجي دربي
بأعاند كل أحاسيسي وأبدأ خطوة النسيان
ومتى ما زارني طيفك
أقول له روح يا خوّان
صبرت أكثر من اللازم
صبرت ومابقابي حيل
وعمري صار بأسبابك بقايا للسهر والليل
**********************
أغنية ((((أمـــــــــي))))
كلمات: علي الخوار
أ مي يا أول حب عشته بدنياي
يا أول اسم تنطق شفاي طاريه
انتي هوى روحي وبعروقي الماي
وعمري بدونك عمر ما عشت أنا فيه
يا ما لقيتك في شتا وقتي دفاي
حضنك يدفيني بحنانه وأدفيه
وياما مسكتي في أعنى الوقت يمناي
خوف علي من الزمان وبلاويه
انتي نظر عيني وبسمة شفاياي
وانتي هوى قلبي وحبه وغاليه
وانتي الجميل اللي تعدى عطاياي
لو عشت كل العمر ما اقدر اوفيه
تدعين ربك لي يسدد لي خطاي
وارفع أنا كفي لله وادعيه
يا ربي تمنحني رضاها بدنياي
وان ما رضت عني ترى العمر ما أبيه
********************
أغنية ((((بودعكم))))
بأودعكم يا أحبابي غصب ولاّ أنا مآبي
عساكم تذكروا حبي ولا تنسوني في غيابي
ترى في البال عشرتنا روحتنا وجمعتنا وفرحتنا
ترى في البال يا أصحابي
بأودعكم يا أحبابي غصب ولاّ أنا مآبي
عساكم تذكروا حبي ولا تنسوني في غيابي
أحب اللي يحبوني ولا أظن بينسوني ولو أعطيهم عيوني
أبد ما أحسب حسابي
بأودعكم يا أحبابي غصب ولاّ أنا مآبي
عساكم تذكروا حبي ولا تنسوني في غيابي
تمر سنين وألقاكم وأطفّـي نار فرقاكم
وأكمّل عمري وياكم وأفتح للهنا بابي
بأودعكم يا أحبابي غصب ولاّ أنا مآبي
عساكم تذكروا حبي ولا تنسوني في غيابي
*********************
أغنية((((تحدوه البشر))))
ولا غيره سكن قلبي وعيني
حبيبي عود ليّا
تحدوه البشر كلهم وصاروا الناس ضده
بالهواء والله صاروا ولا همه حبيبي
حبيبي ومهما صاروا الناس ضده
تحداهم وحط ايدي بيده ولا همه حبيبي
أبيك وما أبيهم
ولاغيره سكن قلبي وعيني حبيبي عود ليّا
وجودك عندي بالدنيا يا غالي ورسمك ساكن بقلبي وخيالي
ولا غيرك حبيبي أبيك وما أبيهم
ولا غيرك سكن قلبي وعيني حبيبي عود ليّا
ترى مهما بعادك عني طول
أبصر لأجلك انت وأتحمل وترجعلي حبيبي أبيك وما أبيهم
ولا غيرك سكن قلبي وعيني حبيبي عود ليّا
***********************
أغنية((((تضحك الدنيا))))
الله لا يجيب الزعل بينك وبيني
وان زعلت أرضيك انا يا نور عيني
تضحك الدنيا في عيني لا رضيت
واقبل أعذارك وأسامح لو خطيت لو أقول انك حياتي ما وفيت
كيف انا أضيع حبيبي من ايديني
الله لا يحرمني منك ومن حلاك
ومن دلالك ما تمنى غير شوفتك تبتسم مرتاح بالك انا محتاج
لحنانك مهما كان شوفتك عندي
لها قدر وشان انت في بالي
ومفديك من زمان انت من يقدر يخيب فيك ظني لو تخيلك غيابي
لا تقول إني نسيتك صدق
إحساسك وقلبك انا من قلبي
هويتك وانت في بالي الأول والأخير لو تغيب شوي توحشني كثير
وايش ينسيني وأنا عاشق وأغير
وايش كثر عانيت حتى إني لقيتك
***********************
أغنية((((دايم بقربك))))
حبيبي ....... حبيبي
أنا محتاج في الدنيا لحنانك حبيبي خلني دايم بقربك
لأني كل ما احبك أحبك ولا حد خذ بقلبي مكانك
حبيبي....... حبيبي
أريدك تسأل عيونك وقلبك مين اللي مرخص عمره عشانك
ما تلقى عاشق هايم بحبك حفظ عهد الهواء لأجلك وصانك
حبيبي....... حبيبي
أنا من غارس أحلامه بدربك ومن أشعل شموعه في زمانك
شرارة الشمس في شرقك وقربك بتلقى في دفا قلبي أمانه
حبيبي ...... حبيبي
أنا ذبحني الشوق في سلمك وحربك وأنا صابر لأجل خاطر عيانك
بربك لا تعذبني بربك تراني بس محتاج لحنانك
حبيبي....... حبيبي
*************************
أغنية((((رجاوي))))
كلمات: فيصل بن تركي بن ناصر
ما أبي أسمع رجاوي ما أبي أسمع حلوف
كل عاشق يخطي مرة
وانت تخطي بالألوف ببتعد وهذا قراري
وما على مثلك حسوف
كل مرة تقولي آسف وانت تتعمد خطاك
هي وين هذي العواطف
يا للي شاغليني معاك
لما صبري زاد عن حده ومل
قلت أبعد يمكن
القي البعد حل وذا قراري باختياري
ما أبي أسمع رجاوي
خذ بقايا ذكرياتك والأماني والوعود
وامح اسمي من حياتك
وانس آني بالوجود لا تترجى ما أبي أسمع رجاك
ملّ صبري
وضاعت أيامي معاه
وذا قراري باختياري وأبي اسمع رجاوي
*************************
أغنية((((سر الاعجاب))))
قالت ويش اكثر شيء يعجبك فيني قلت بصراحة كل ما فيك جذاب
اسمك ورسمك والشعر والجبيني
وعيونك وصوتك وخدك والأهداب
قالت تبالغ قلت لا صدقيني ترى وصوفك ما بها شيء ينعاب
ما كنك إلا الليل للعاشقين
وما كنك إلا الوصل مابين الأقراب
كلك على بعضك كذا تعجبيني وفي كل يوم اللي يزداد الإعجاب
يا شمس عمري يادفايا وحنيني
جيتك حروف الحب و عيونك كتاب
بالحيل احبك يا رجاوي سنيني حبك فتح للعاطفة كل الأبواب
إحساسي الصادق معك يحتويني
وإحساسي لغيرك من الناس كذاب
عمر الغرام ومطال بينك وبيني لا تسأليني يوم عن سر الإعجاب
**************************
أغنية ((((شخص ثاني))))
ليش ما قلت من الأول ابتعد وإنساني ليش؟
ليش ما قلت لي من الأول لا تدق بيباني ليش؟؟؟؟
من بعد الحنين قصة كتبتها السنين
جاية تقولي لي انته في حياتي شخص ثاني
ليش ما قلتي لي ابعد قبل ما يجمعنا موعد؟؟
كان ساعتها أعذرك واكتم أشواقي و أدراي
كان يمكن اقدر أنساك في أيدي او ابدي اختياري
كان كل شيء وكل شيء يجرح
على اقل ما كنت أعاني
ليش من بعد الحنين قصة كتبتها السنين
ادري مجروحة رحلتي ونصيبي يعرف أنتي
ادري لكن فيا غلطة وإحنا مسؤلين عنها
إحنا لازم في النهاية اثنينا ندفع ثمنها
خلني أقع وحدي أعاني يمكن أنسى اللي نساني
ليش من بعد حنين قصة كتبتها السنين ليش؟؟
جاية تقول لي انته في حياتي شخص ثاني
**************************
أغنية((((فقدناك))))
غبت يوم وعذرناك بولهنا انتظرناك
يا لله ارجع كفاية
بصراحة فقدناك عني ما صاحت إذنك
ما بكى الشوق منك
ما صرخ يوم حزنك لحظة اللي طريناك
في غيابك نسينا
وش لنا وش علينا شاغل البال فينا
ليتنا ما تركناك
أن جبرنا نخليك بتعد عن مراسيك
بس واللي يخليك
حتى بالحلم شفناك
************************
أغنية ((((مشكلني))))
مشكلني حبك يا روح الروح مشكلني
واتبعني قلبك مع الحساد أتعبني
يا ما نصحتك وقلت لك إن كنت تحبني ابعد عن الشر وغني لوا
إذا نصحتك يا ريت تسمعني وتراعي لا تشتكيني هني لا تلوي ذراعي
هذا الوفاء والصراحة إحساسي اطبعاي واويلوا من اطباعك يا ويلوا
أحذر كلام الوشايا لا يفرقنا و احذر حبيبي وخلنا في محبتنا
الناس ماهمها إلا تباعدنا والحب اللي بيننا لازم نوفي لوا
هيهات أنا أنسى هواك ساكن في وجداني
يعزف على أوتار قلبي هيض أشجاني
حتى المشاعر حكت لك انت شيء ثاني
انت المحب اللي ما يصح تبديله
طيفك يلاحق عيوني وين أروح ألقاه
الله عليه يا حبيبي يا سلام الله أهواه و أهوى وجوده يالغلا أهواه
وإذا ابتعد يا هنى بالي ويش أسوي له
************************
أغنية ((((سواليفك))))
وحشتني سواليفك وحشة شوفتك أكثر
كل ليلة مع طيفك حبيب الروح أنا أتحسر
طاير من عيوني النوم على ذالحال كل يوم
سمّعني حبيبي الصوت وسيرني على كيفك
كلامك فيه نشوة روح يحرّك فيني الوجدان
يعطيني أمل مفتوح في لقياك مهما كان
ساعة يختفي صوتك أعيش بعالم النسيان
لا تقطع علي الصوت أنا ما اقدر على الحرمان
***********************
أغنية((((يا بعد هالدنيا ليه؟))))
يا بعد هالدنيا ليه صاحبك تقسى عليه
اللي أهدى لك حياته
وانت مستكثر تجيه
ارخص الدنيا لغلاتك
واشترى فرحة حياتك
لو طلبت عيونه جاتك
وانت تتغلى عليه لك حبيب يموت
فيك حسبه الله يهديك
ومنشغل باله عليك
وانت ما فكرت فيه
كنك الماي لظماه وفرحته
ولمسة شفاه وانت حلمه
في الحياة وانت كل اللي يبيه
انسب لي قلي هواك وانقضى امره معاك منتظر لحظه لقاك اشرق بشمسك عليه
يا هواي الاولاني انت عندي عنواني و مكاني
ساكن بروحي وكياني و عرش قلبي معتليه
************************
أغنية ((((يا ويل))))
يا ويل عيني .. يا ويل عيني ياول
يا ويل عيني منهم راحوا وقلبي عندهم ما ادري نسوا ولا قسوا ولا لقوا حب جديد
يا قلبي ابعد عنهم ذولا يخوف حبهم
قاسين ماحنـّوا علي وقلوبهم مثل الحديد
يا ما أشوف من البشر ما شفت ناس مثلهم
مرات ألقاهم قريب مرات ألقاهم بعيد
أنا أشيل همومهم والمشكلة ماهمّهم الله ما اكبر ذنبهم راحوا وخلوني وحيد
حاولت اقرب منهم حاولت اكسب ودهم
قصة بدايتها جفاء والخاتمة ما من جديد
الله يشافي علّتي والله يسهل دربهم اللي تسلّى بالهوا ترى فراقه يوم معين
يا ويل عيني .. يا ويل عيني يا ويل
************************
أغنية((((يسألوني))))
كلمات: أسير الشوق
يسألوني ليه أحبك حب ما حبه بشر
وليه إنت في حياتي شمسها و إنت القمر
وليه صوتك لا وصل صحراي يملاها الزهر
علميهم يا الحبيبة يا أغلى حبيبة
يسألوني ليتهم مثلي يعيشون الهوى
الأصابع في الايدين الواحدة ما هي سوا
عندهم حبك طبيعي وعندي فوق المستوى
فهميهم يا الحبيبة يا أغلى حبيبة
يسألوني وفي شفاتي يرتعش حر الجواب
ما دروا إنت بحياتي راحتي و إنت العذاب
و إنت حلمي اللي عشقته وطار بي فوق السحاب
خبريهم يا الحبيبة يا أغلى حبيبة
يسألوني وأنتي أكبر من سوالفهم جميع
و إنت أجمل ما خلق ربي بهالكون الوسيع
وإني أتلاشى بدون عيونك الخجلى أضيع
اعذريهم يا الحبيبة يا أغلى حبيبة
علميني ليه أحبك حب ما حبه بشر
وليه إنت في حياتي شمسها و إنت القمر
وليه صوتك لا وصل صحراي يملاها الزهر
اعذريني يا الحبيبة يا أغلى حبيبة
**********************
الثلاثاء أغسطس 12, 2008 5:28 am
